Sagesse / Tamusni
Tamsirt n teqbaylit
Zik nni taddart m'ara temsefham ɣef temsalt, yiwen ur ilaq negh ur izmir ad yeffegh abrid...maca akken ibghu yili, llan yemdanen ittagin rray n lufeq...
Yiwen wass, tennejma yiwet n taddart si tudrin n At sedqa, di tagar msefhamen ɣef kra n temsal, gar asent tala n taddart.Tala, di tuddar n yeqbayliyen s umata, d asaka neɣ d amkan i deg ttemlilint tilawin, ttagment, essirident icetiḍen,ttmeslayent....hekkunt tilufa!
At taddart ẓṛan akw annect-a...ayagi i ten yeǧǧan ad msefken awal d akken tala zemren ad kecmentɣuṛ-es tilawin, zemren ad kecmen ɣuṛ-es yergazen. Maca, yal yiwen melmi ilaq ad tt-ikcem. Si tafrara alamma yeṛɣli γiṭij, tala n tilawin. Ala tilawin. Argaz ara ikecmen ɣer tala deg wass ad yettuxeṭṭi. Seg uneɣluy n yiṭij alamma d tafrara, tala n yergazen. Tilawin ur ttalasent ara ad ṛuḥent ɣer tala deg yiḍ. Ad taddart msefhamen, ennḍen d asarag ,eẓẓlen ifassen ɣer bab igrnwan akken ad asen d-ifek afus. Ur εad, tεekfi daεwa n lxiṛ, inṭeq ɣuṛ-sen yiwen inna y asen: ...llah mṣelli ɛlik a ṛasul elleh a taddart! Nek s yiman iw ṛṛay agi ur iffiɣ ara felli. Tala ttamaseɣ deg-es, melmi yihwa ad ɣuṛ-es kecmeɣ ! tebɣam neɣ ur tebɣim.
Imeqṛanen n taddart, mesmuqalen, baten, ur bnin ara ɣef tiyyta icban tinn-a. Argaz iffeɣ abrid deg uzal qayli...
Amek ara s gen ?! Wa yenna-y-as,ad t nessufeɣ si lufeq, wa yenna ad t nxeṭṭi....
Netta inna-y-asen: a y akken ibɣu txedmen, nek melmi yihwa, ad ecmeɣ ɣer tala !
Amek ara xedmen ?! Ad t nfuuun?!
Inṭeq yiwen umusnaw n taddart inna deg wawal is: ur t nettxeṭṭi, ur t nessufuɣ si lufeq, ur t -eneffu !
Amek ihi ?
Inna y asen: nekwni nenna-d, tala deg was ntilawin deg iḍ n yergzen...ma d netta, ad ixdem akken ibɣa !
Argaz nni yebɣan ad iffeɣ abrid, iṛuḥ s axxam is, ixemmem netta d yiman is...
Ifhem d acu yebɣa ad d-yini deg wawal is umusnaw, iffeɣ seg wexxam, iṛuḥ s imeqṛanen n taddart, inna y asen: semmḥet iyi, ksiɣ iger ...
Zik nni taddart m'ara temsefham ɣef temsalt, yiwen ur ilaq negh ur izmir ad yeffegh abrid...maca akken ibghu yili, llan yemdanen ittagin rray n lufeq...
Yiwen wass, tennejma yiwet n taddart si tudrin n At sedqa, di tagar msefhamen ɣef kra n temsal, gar asent tala n taddart.Tala, di tuddar n yeqbayliyen s umata, d asaka neɣ d amkan i deg ttemlilint tilawin, ttagment, essirident icetiḍen,ttmeslayent....hekkunt tilufa!
At taddart ẓṛan akw annect-a...ayagi i ten yeǧǧan ad msefken awal d akken tala zemren ad kecmentɣuṛ-es tilawin, zemren ad kecmen ɣuṛ-es yergazen. Maca, yal yiwen melmi ilaq ad tt-ikcem. Si tafrara alamma yeṛɣli γiṭij, tala n tilawin. Ala tilawin. Argaz ara ikecmen ɣer tala deg wass ad yettuxeṭṭi. Seg uneɣluy n yiṭij alamma d tafrara, tala n yergazen. Tilawin ur ttalasent ara ad ṛuḥent ɣer tala deg yiḍ. Ad taddart msefhamen, ennḍen d asarag ,eẓẓlen ifassen ɣer bab igrnwan akken ad asen d-ifek afus. Ur εad, tεekfi daεwa n lxiṛ, inṭeq ɣuṛ-sen yiwen inna y asen: ...llah mṣelli ɛlik a ṛasul elleh a taddart! Nek s yiman iw ṛṛay agi ur iffiɣ ara felli. Tala ttamaseɣ deg-es, melmi yihwa ad ɣuṛ-es kecmeɣ ! tebɣam neɣ ur tebɣim.
Imeqṛanen n taddart, mesmuqalen, baten, ur bnin ara ɣef tiyyta icban tinn-a. Argaz iffeɣ abrid deg uzal qayli...
Amek ara s gen ?! Wa yenna-y-as,ad t nessufeɣ si lufeq, wa yenna ad t nxeṭṭi....
Netta inna-y-asen: a y akken ibɣu txedmen, nek melmi yihwa, ad ecmeɣ ɣer tala !
Amek ara xedmen ?! Ad t nfuuun?!
Inṭeq yiwen umusnaw n taddart inna deg wawal is: ur t nettxeṭṭi, ur t nessufuɣ si lufeq, ur t -eneffu !
Amek ihi ?
Inna y asen: nekwni nenna-d, tala deg was ntilawin deg iḍ n yergzen...ma d netta, ad ixdem akken ibɣa !
Argaz nni yebɣan ad iffeɣ abrid, iṛuḥ s axxam is, ixemmem netta d yiman is...
Ifhem d acu yebɣa ad d-yini deg wawal is umusnaw, iffeɣ seg wexxam, iṛuḥ s imeqṛanen n taddart, inna y asen: semmḥet iyi, ksiɣ iger ...