Tigwdi
Ma tɣilem a medden nufa
Ayen akk i nnuda
Γa ḥṣu ken-id tɣelḍḍem
Ar ass-a mazal tella
Tiiyyita nni i nečča
Seg mi tt nečča nessusem
Tezdeɣ aɣ am tweka
Mi nekker ad d neg kra
Miga teṛẓa-d asrem
Uli id-aɣ d-ga trewla
Anida nedda tedda
Γas ur d’as ngi yisem
Nezga nettagad tili
N wayen ur nelli
Wamma ayen illan iban
A melmi nebɣa ad nali
Si zdaxel ad tezwir tigdi
Aɣ tenfeḍ deg yir wemkan
Mazal ass-a nettnadi
Anida izmer ad yili
Anida-t ddwa n waḍḍan
Ur tnufi ru d-aɣ yufi
Deg umaḍal d-igenni
Deg waggur neɣ deg yitran
Nezga neḍḍef tiɣemmaṛ
Ay necba amakar
Nettagad ad nessiged
Ayen illan deg neɣ yufrar
Yettuɣal d-aɣuṛaṛ
Im'ur nezmir ad t nessebded
Anda nedda yedda umrar
Icudd-aɣ s aẓaṛ
Γas times teqqel d-iɣed
Γas targit tefla idurar
Ma d-iḍtij n fuṛaṛ
Ur nezmir ad t nessiked
Amar GACEM
Commentaires