Aseggas ameggaz 2962/2012

Ad ig Rebbi aseggas agi

Ad ig Ṛebbi aseggas agi
Ad yif akw iseggasen
Ad aɣ yeldi allen
Ad yesdukel at maten
Ad yerẓ imcumen


Ad ig Ṛebbi aseggas agi
Ad yezdi tadukli
Ad agh yesfeḍ imeṭṭi
Ad yeẓẓu tamusni
Ad tefsi tgersi


Ad ig Ṛebbi aseggas agi
Ad yekker wemgun
Ad ḍsen widen tnirun
Ad d-mektin widen yettun
Ad awḍen widen ileḥḥun

Ad ig Ṛebbi aseggas agi
Ad yekkes calwaw ɣef wallen
Ad tekkes tebrek seg ulawen
Ad d sɣeṛsen inaruzen
Ad bedden wid yenḥafen


Ad ig Ṛebbi aseggas agi
Ad d yawi talwit
Ad iṛeẓ taklit
Ayen n dir d ir-it
Ad d nales talalit


Ad ig Ṛebbi aseggas agi
Ad d-akw nemsefaham
Ad naweḍ i nessaram
Ad nerẓet aleggam
Ad aɣ d-yuɣal wexxam


Ad ig Ṛebbi aseggas agi
Ad d-akw n ilit
Deg webrid n tlelli d talwit
Am iqeṛṛa deg iwet n tcacit
Ad neḍt abrid n tcemlit


Adi ig Ṛebbi aseggas agi
Ad yif akw iseggasen