YEMMA , asefru n Ben Mohamed
Yemma,
Lliɣ
ttmerẓaɣ d
gma
Mi rẓan
fellam lḥerma
Tasa tegzem
Amnar Yezzem
Yekker Yizem
Yenna : Yemma, Yemma !
Yemma,
Lliɣ
tturareɣ tiddas,
Asmi dam-d-rẓan
tilas
Yezri wurar
Yefsi wemrar
Yendeh wedrar
Yenna : Yemma, Yemma!
Yemma,
Kebleɣ di tsuret
itezmen
Asmi dam-summen idammen
Tamaẓẓagt
teččuṛ
Ayeddid yeqqur
Amunan ituṛ
Yenna : Yemma, Yemma!
Yemma,
Ksiɣ
di teẓgi
ifersen
Asmi dam-cudden ifasen
Bḍant
tmira
Imi iberra
Tekmec lǧ edra
Tenna : Yemma, Yemma !
Yemma,
Lliɣ
aqerru-w di lqaa
Asmi m-fkan abeqqa
Ssiɣ
ɣef
weḥḍ un
Ttbiḥ-iw
d aldun
Lqern n leqrun
Yenna : Yemma, Yemma !
Yemma,
Lliɣ
aqerru-w deg genni
Mi kem-gezren t-tirni
Taadda tcallawt
Tasa tasellawt
Taaya di tmellawt
Tenna : Yemma, Yemma!
Yemma,
Ula d nekkini
Akk am kemmini
Yunzaɣ taguni
Awal ineqqen
Ass-‘a t-id-nini !
Ben Mohamed 1973
Commentaires