Tajmilt i Dda Lmulud

Sliɣ s teɣwist tlul
tcerreg-d adrar luḍa
Di tfekka yergagi wul
di ddunit tetti tmazɣa
Win akken i ṛebban lefḥul
d waḍu n tefsut yedda


D aḥeqqi ikṛeh lbaṭel
ittḥemmil tidett d wemdan
Yerza f lkenz l laṣel
inuda ɣef iẓuṛan
Ur tesɛiḍ w if i yettkel
ittazzal ussan uḍan


Yessarem ad ṛṛzen leqyud
asirem iqɛed ur imal
Yemmal tutlayt n lejdud
i ye yefles yefka  azal
Iɣaḍ i y i Dda Lmulud
d ilemẓi yečča-t wakal

Tṛuḥeḍ a dadda s wurrif
maɛni teǧǧiḍ-d isegmi
Nekkes ak meṛṛa aɣilif
ayen akken i tzerɛeḍ yemɣi
Mli-d w' ay ḥebsen asif
mi d-yeḥmel yeddem tirni